Niviarsiaqqat ilinniarnertuunngorniarnermik toqqaasartut nukappiaqqanit amerlanerusut

Meeqqat atuarfiata naammassereernerani ukiut marluk ingerlanerini niviarsiaqqat nukappiaqqanit amerlanerulaartut ilinniakkanut ingerlaqqittarput. 2015-imi meeqqat atuarfianni soraarummeertut akornanni niviarsiaqqat 52 procentii ilinniakkamik aallartitsisimapput, nukappiaqqanullu kisitsit 49 procentimiilluni. 2010-mili taamatut ingerlasimapput. Taamaattoq nukappiaqqat meeqqat atuarfiannik naammassinnereernerup kingorna ilinniakkamik aallartitsisartut amerlassusaat niviarsiaqqat amerlassusaannit qaffariarnerusimavoq.

 

Niviarsiaqqat (45 procentii) pingaartumik ilinniarnertuunngorniarnermik toqqaasarput, ikinnerusullu (7 procentii) inuussutissarsiornermi ilinniakkamik aallartitsisarlutik. Nukappiaqqat akornanni amerlanerusut (33 procentii) aamma ilinniarnertuunngorniarnermik aallartitsisimapput. Niviarsiaqqanulli sanilliullugit amerlanerusut (16 procentii) inuussutissarsiornermi ilinniakkamik aallartitsisimallutik.

 

Titartagaq 3. Meeqqat atuarfiannik naammassinnereernermi ukiut marluk qaangiunnerini inuusuttunut ilinniarfimmik aallartitsisimasut amerlassusaat suiaassuseq malillugu, 2015-imi soraarummeertut

Najoqqutaq: Naatsorsueqqissaartarfik –kisitsisit Kisitsisaataasivimmi takukkit (http://bank.stat.gl/UDNTRFA2).